Չնայած Ադեն քաղաքում ընտրատեղամասերի վրա հարձակումներին և 4 մարդու կյանք խլած այլ բախումներին, Եմենում նախագահի ընտրություններին մասնակցության մակարդակը կազմել է շուրջ 80 տոկոս, այս մասին «Լրաբեր»-ին հայտնել են «Ռոյթերզ» գործակալությունից: Իսկ ընտրությունը վստահության յուրօրինակ հանրաքվե էր, քանի որ թեկնածուն մեկն էր`երկրի փոխնախագահ Բադուռաբահ Մանսուր Հադին, որը պետք է փոխարինի 30 տարի երկիրը ղեկավարած Ալի Աբդուլահ Սալեհին: Հադիի թեկնածությունը փոխհամաձայնության արդյունք է, սակայն որոշ քաղաքական և ռազմական միավորումներ նրա դեմ են հանդես գալիս:

Ընտրված նախագահը կղեկավարի 2 տարի, որից հետո նա Եմենում կկազմակերպի նախագահական և խորհրդարանական նոր ընտրություններ: