Աբխազիայում մահափորձ է իրականացվել նախագահ Ալեքսանդր Անկվաբի նկատմամբ, երբ վերջինս Գուդաուտայից Սուխումի աշխատանքի էր մեկնում: Նախագահը չի տուժել, սակայն զոհվել է նրա թիկնապահներից մեկը, երկուսն էլ ծանր վիրավորվել և հիվանդանոց են տեղափոխվել: Ռուսական լրատվամիջոցների հաղորդմամբ` բացի կրակոցներից պայթեցվել են նաև մի քանի ականներ:

2005-2010 թթ. Աբխազիայի վարչապետի պաշտոնը գրաված Անկվաբի դեմ 5 մահափորձ է իրականացվել: 2007թ-ին նա բեկորային վնասվածքներ և թեթև ցնցակաթված էր ստացել: 2010թ-ին, երբ նա Աբխազիայի փոխնախագահն էր, Անկվաբը դարձյալ թեթև վիրավորվել է` իր տան վրա նռնականետի արձակած գնդակից:

Անկվաբը Աբխազիայի նախագահի պաշտոնը ստանձնել է 2011թ-ի օգոստոսին: