Ամփոփվել է ՎիվաՍել-ՄՏՍ-ի և Մեդիամաքսի համատեղ նախաձեռնությամբ կազմակերպված «Սերը և տեխնոլոգիաները» շարադրությունների մրցույթը: Հաղթող է ճանաչվել մասնագիտությամբ ծրագրավորող Վարդան Գրիգորյանը, որը ՎիվաՍել-ՄՏՍ-ի գլխավոր տնօրենից ստացել է մրցանակը` iPad 2 պլանշետային համակարգիչ: Մրցույթի մինչև 40 տարեկան մասնակիցները հունվարի 23-ից փետրվարի 10-ը նշված թեմայով շարադրություններ են ներկայացրել, որտեղ նկարագրել են, թե ինչպես են նորագույն տեխնոլոգիաներն օգնում կամ ընդհակառակը, խանգարում «սիրային» գործերին: Ներկայացված 190 աշխատանքից նախապես ընտրվել է 24-ը, իսկ հետո` միակ լավագույնը: