ԲՀԿ նախագահ Գագիկ Ծառուկյանի հրավերով Հայաստան են ժամանել արտերկրի մի խումբ հեղինակավոր տնտեսագետներ` խորհրդարանական ընտրությունների ԲՀԿ նախընտրական ծրագրի սոցիալ տնտեսական դրույթներին նվիրված քննարկմանը մասնակցելու նպատակով: ՌԴ ԳԱԱ թղթակից անդամ Ռուսլան Գրինբերգն ասել է, որ ԲՀԿ նախընտրական ծրագրում հստակ արտացոծված են տնտեսության զարգացման բոլոր ուղղությունները և որ ԲՀԿ-ն առաջնորդվում է տնտեսության զարգացման լավագույն ավանդույթները առողջ նորարարությունների զուգակցման քաղաքականությամբ: ԲՀԿ նախընտրական ծրագրի իրատեսականության մասին մյուս կարծիքները. ծրագրի հեղինակները կատարելապես են տիրապետում իրավիճակին ու փաստաթուղթը պատրաստ է հանրության դատին ներկայացնելու համար, - Ուկրաինայի տնտեսագիտության ազգային ակադեմիայի ակադեմիկոս Անդրեյ Կրիսովատիյ և Լատվիայի գիտությունների ակադեմիայի թղթակից անդամ, պրոֆեսոր Օսիս Ուլդիս: