Նախորդ տարվա համեմատ համակարգի ընդհանուր կապիտալն աճել է 14, ակտիվները` 32,3 տոկոսով: ՀՀ Բանկերի միության նախագահ Աշոտ Օսիպյանն է ասել նաև, որ Անցած ֆինանսական տարում համակարգում վարկային ներդրումներն աճել են 34 տոկոսով, ընդհանուր վարկային պորտֆելում ֆիզիկական անձանց վարկերն աճել են 22,5 տոկոսով, հիփոթեքային վարկերը՝ 20,4 տոկոսով, իսկ սպառողական վարկերի աճը կազմել է 27,2 տոկոս: Դրական ցուցանիշներ են արձանագրվել նաև տնտեսությանը տրամադրված վարկերի գծով՝ 44,3 տոկոս: