Այսօր, ժամը 09.57-ին ահազանգ է ստացվել, որ Շիրակի մարզի Գյումրի-Ամասիա ավտոճանապարհին, ուժեղ ձնաբքի հետևանքով, արգելափակվել է 2 ավտոմեքենա, ինչի հետևանքով առաջացել է խցանում: Ժամը 13.20-ի սահմաններում  «Ամասիայի ՃՇՇ»-ի աշխատակիցների կողմից ճանապարհը մաքրվել է, և երթևեկելի մաս է դուրս բերվել 5 մարդատար ավտոմեքենա:

Իսկ ժամը 11.07-ին ահազանգ է ստացվել, որ Շիրակի մարզի Աշոցք-֊Թորոս գյուղ  ավտոճանապարհին,  ուժեղ ձնաբքի հետևանքով, արգելափակվել է մոտ 40 ավտոմեքենա, ինչի հետևանքով առաջացել է խցանում: Ժամը 15.00-ի  սահմաններում  «Աշոցքի ՃՇՇ»-ի կողմից Թորոս գյուղի մոտակայքում ճանապարհի երթևեկելի մաս է դուրս բերվել  մոտ 40 ավտոմեքենա: