Երևանը` գրքի համաշխարհային մայրաքաղաքի ճանապարհին: Այսօր Խնկո-Ապոր  անվան գրադարանում մեկնարկեց գրքի երևանյան 8-րդ ցուցահանդես- տոնավաճառը, որտեղ մոտ 30 հրատարակիչներ ներկայացրեցին իրենց գրքերը:

Այս տարի նաև նշվում է հայկական գրատպության 500-ամյակը և փետրվարի 20-22-ը անցկացվելու են գրքի շնորհանդեսներ, հեքիատապատումներ, թատերական և տիկնիկային ներկայացումներ, հանդիպումներ գրողների հետ, ներկայացվելու է վերջին տարիներին տպագրված մանկապատանեկան գրականություն, որի հանդեպ հետաքրքրվածությունը, ըստ գրահրատարակիչների, շատ ավելի մեծ Է:

Աշխարհի հրաշալի հայտնագործություններից մեկի` գրքի այս տոնը, ըստ կազմակերպիչների, նպատակ ունի ևս մեկ անգամ գիրքը մոտեցնել ընթերցողին: