Վանում Ռիխտերի սանդղակով 4,5 մագնիտուդ ուժգնությամբ երկրաշարժ է տեղի ունեցել փետրվարի 17-ին` տեղական ժամանակով  ժամը 11:32-ին: Երկրաշարժի էպիկենտրոնը Վանի մոտ գտնվող Աղըրթը գյուղն է: Նախնական տեղեկություններով` Վանում եւ նրա շրջակայքում զոհեր եւ ավերածություններ չեն եղել:

Վանում 2011 թ-ի նոյեմբերի 23-ին եւ հոկտեմբերի 9-ին տեղի ունեցած ուժգին երկրաշարժերը ամայացրել են քաղաքը: Վանի բնակֆոնդի 90 տոկոսը շարքից դուրս գալու պատճառով, բնակչության մեծամասնությունը հեռացել է քաղաքից: Ներկայում, միջազգային կազմակերպությունների օգնությամբ, Վանում 15 հազար մարդու համար վրանային քաղաք է կառուցվում` հեռացած բնակչությանը վերադարձնելու նպատակով:

Թուրքիայի երկրաշարժագիտական կենտրոնները հայտնել են, որ հետցնցումները Վանում եւ շրջակայքում հնարավոր է շարունակվեն մինչեւ 2012 թ-ի հունիս: