Սասուն Միքայելյանը չի բողոքարկի Հրազդանի քաղաքապետի ընտրությունները, քանի որ իմաստ չունի: Ընտրություններում պարտված քաղաքապետի թեկնածուն, միաժամաանկ, կարծում է, որ առաջադրվելն, այնուամենայնիվ, իմաստ ուներ, քանի որ առաջադրվել է ժողովրդի պահանջով եւ պատրաստ է այսուհետ եւս ամեն ինչ ներդնել հանուն երկրի ու ժողովրդի: Սասուն Միքայելյանը հայտարարել է, որ ընտրություններն անցել են ահաբեկելով ու կեղծիքներով: Մասնավորապես, ընտրական հանձնաժողովները չեն ստացել դրոշմները, իսկ չդրոշմակնքված անձնագրով քաղաքացին կարող է քվեարկել տարբեր տեղամասերում: «Սասուն» ջոկատի հրամանատարը հերքել է իր կողմից ընտրակաշառք բաժանելու մասին լուրերը, ասելով, թե որտեղից իրեն գումար ընտրակաշառքի համար: Նա իրեն պայքարի, գաղափարի մարդ է համարում: