Ճապոնիայի կայսր Ակիհիտոն հիվանդանոց է տեղափոխվել, որտեղ նրան պատրաստում են վաղվա վիրահատությանը: 78-ամյա կայսրը, որ 2003-ին բուժվեց շագանակաձև գեղձի քաղցկեղից, այժմ ենթարկվելու է սրտի պսակաձև կողմնուղու վիրահության: Ակիհիտոն և կայսրուհի Միշիկոն, ինչպես վայել է իսկական ճապոնացուն, հիվանդանոց են մուտք գործել ժպտալով և բժշկական անձնակազմի հետ կատակելով:

Կայսերական զույգը ճապոնացիների մեջ բարի համբավ ունի, Միշիկոն և Ակիհիտոն ապրիլին, նույնիսկ, այցելեցին երկրաշարժից տուժածներին, մի բան, որը բնորոշ չէ ճապոնական կայսրական ավանդույթներին և շատ անսպասելի էր ժողովրդի համար: Այժմ կայսեր հոսպիտալացման լուրը իրապես ցնցել է շատ ճապոնացիների և նրանք անկեղծ տագնապով են սպասում վիրահատության ավարտին: