Մեծամասնական ընտրակարգը հնարավորություն է տալիս անմիջական կապ պահել ընտրողների հետ: Այսօր նման տեսակետ է հայտնել ՀՀԿ խմբակցության պատգամավոր Հովհաննես Սահակյանը` խոսելով 100 տոկոսանոց համամասնական ընտրակարգին նվիրված խորհրդարանական լսումների մասին: Իսկ ընդդիմախոս, «Ժառանգության» ներկայացուցիչ Լարիսա Ալավերդյանը, չհամաձայնելով  գործընկերոջ հետ, առաջարկել է մտածել կոմպրոմիսային տարբերակի մասին: Բանախոսները քննարկել են նաեւ հարցը PR տեխնոլոգիայի տեսանկունից: Նշվել է, որ այն քաղաքական քայլ է ընտրություններից երկու ամիս առաջ, ինչից, ի դեպ, ընդդիմադիր գործչի համոզմամբ, կարող էր օգտվել նաեւ Հանրապետականը: