Թուրքիայում «Ոչ ասենք ռասիզմին եւ ազգայնականությանը» շարժումը դատական հայց է ներկայացրել Հրանտ Դինքին սպանած Օգյուն Սամասթին հերոսացնող Թուրքիայի Սամսուն քաղաքի տեղական ամսագրերից  Statuko-ի լրագրող Օքան Բաշի դեմ:

Թուրք հայտնի մտավորականների և պատգամավորների ստորագրությամբ դատական հայցում Օքան Բաշը մեղադրվում է հանցանքը խրախուսելու եւ հանցագործին գովելու, անձի հիշատակը վիրավորելու համար:

Նշենք, որ Statuko ամսագրի հունվարի համարում Օքան Բաշը  «Հրանտ Դինք անունով մեկին սպանեց, վա՞տ արեց» հրապարակման մեջ գովերգել էր Օգյուն Սամասթին: