Դեմոկրատական Կոնգոյի արեւելյան Կասաի շրջանում ֆուտբոլային խաղի ժամանակ կայծակը սպանել է թիմերից մեկի 20-35 տարեկան 11 ֆոտբոլիստի: Խաղի ընթացքում հարվածած կայծակը ֆուտբոլիստների մեծամասնությանը տապալել է գետնին: Նրանցից 11-ի կյանքը չի հաջողվել փրկել, 30 մարդ էլ, այդ թվում` ֆոտբոլիստներ, տարբեր աստիճանի այրվածքներով տեղափոխվել են հիվանդանոցներ: Մահացած 11 ֆոտբոլիստները նույն թիմի անդամներ են: Մրցակից եւ հյուրընկալող Բասանգա թիմի ոչ մի ֆոտբոլիստ չի տուժել, ինչը դարձել է մյուս թիմին կախարդելու մասին խոսակցությունների նյութ:

Միջին եւ արեւմտյան Աֆրիկայում բնակչությունը հավատում է, որ բնական աղետները կախարդանքի հետևանք են: Այդ երկրում ֆուտբոլային խաղի ժամանակ ավելի վաղ ևս կայծակից ֆոտբոլիստներ են մահացել: