Լեհաստանցի Քժիշտով Ռադիկովսկին հաղթել է Աբու Դաբիում անցկացված աշխարհի ուժեղագույն մարդկանց մրցույթում: Փետրվարի 12-ին մեկնարկած եռօրյա մրցույթին մասնակցել է 25 մարզիկ` աշխարհի 20 երկրից: Մրցույթի պայմաններից մեկը` մարմնին ամրացված ճոպանի միջոցով 25 տոննա կշռող բեռնատարը 75 վայրկյանում 25 մետր շարժելն է, իսկ հաղթողը մեքենան 10 մ ավելի է քաշել:

Մրցույթի բոլոր մասնակիցները իսկական հսկաներ են: Էստոնացի Տառմո Միթի հասակը, օրինակ, 1մ 94 սմ է, քաշը` 150կգ: Նա խոստովանել է, որ հաճախ անհարմարություններ է ունենում ճամփորդելիս, քանի որ մեքենաներն ու հյուրանոցի մահճակալները իր համար փոքր են լինում, իսկ հագուստ ընտրելիս նա դիմում է հատուկ կոշկակարների և դերձակների օգնությանը: