Թումանյանի տան գինը

Հրապարակված է 15 Փետրվար 2012, Լրաբեր բաժնում

Ամենայն հայոց բանաստեղծ Հովհաննես Թումանյանի թբիլիսյան բնակարանի առք ու վաճառքի գործարքը կիրականացվի հաջորդ շաբաթ: Ինչպես Թբիլիսիից տեղեկացրել է Հայաստանի գրողների միության նախագահ Լեւոն Անանյանը, բնակարանի սեփականատեր Արչիլ Լեժավան 145 հազար դոլար է գնահատել իր բնակտարածքը, որին համաձայնել են Ղուկասյան եղբայրները` Գյումրիի քաղաքապետ Վարդան Ղուկասյանն ու նրա եղբայրը: §Գնման վերաբերյալ նախնական պայմանավորվածությունը ձեռք է բերվել, եւ գործարքը կիրականացվի հաջորդ շաբաթ, որից հետո տունը կանցնի հայկական կողմին»,- ասել է ՀԳՄ նախագահը: Լեւոն Անանյանը նշել է, որ գործարքի իրականացումից հետո միայն կորոշվի, թե ինչպես կլուծվի տան նորոգման հարցը, ապա` թե տարածքը ինչ գործառույթ պետք է ունենա:

Վրաստան մեկնած հայկական պատվիրակության կազմում են եւ բանակցություններին մասնակցել են ՀԳՄ նախագահ Լեւոն Անանյանը, Գյումրիի քաղաքապետի զարմիկը` ԱԺ պատգամավոր Արտյոմ Ղուկասյանը, եւ Վրաստանում ՀՀ դեսպան Հովհաննես Մանուկյանը:

Ղուկասյան եղբայրները ցանկություն էին հայտնել գնել մեծանուն բանաստեղծի բնարականը, երբ այն կորցնելու վտանգ կար:

ԿԸՀ-ն հաստատել է ԱԺ առաջին նիստի օրը

Հաղթարշավը` շարունակելի (տեսանյութ)

Անձնական, բայց թանգարանային հավաքածուի ցուցադրություն (տեսանյութ)

Լուրերի դինամիկա այստեղ