Այն, ինչ տեղի է ունեցել Հրազդանում ` քաղաքապետի ընտրությունների ժամանակ կարդացել եմ Հյուգոյի, Գորկու եւ Կավկայի գրքերում,  երբեմն շփոթված էի, երբեմն` շոկի մեջ,- լրագրողներին այսօր պատմել է ՀՀՇ վարչության նախագահ Արամ Մանուկյանը, ավելացնելով,  որ սովն ու 5000 դրամը հաղթեցին քաղաքացուն: Մյուս կողմից նա ապագայի հույսը կապել է այն 11 500 մարդու հետ, ում համարել է ազատ քաղաքացիներ: Խախտումները, ըստ նրա, տեղի են ունեցել ընտրատեղամասերից դուրս: Չեն բողոքարկել, քանզի կաշառքի փաստը հաստատելը չափազանց դժվար է: Ընտրությունների անցկացման հիմնական գաղտնիքն ու միջոցն էլ համարել է ընտրացուցակները, որոնք հրապարակային չեն եւ նախորդ ընտրությունների համեմատ 3000 մարդով համալրվել են, ինչը արտագաղթի պայմաններում ՀՀՇ վարչության նախագահը անտրամաբանակա ն է համարում: