Ստամբուլում 2007-ի հունվարի 19-ին սպանված  հայկական «Ակոս» շաբաթաթերթի նախկին գլխավոր խմբագիր Հրանտ Դինքի ընտանիքի փաստաբանները դատական հայց են ներկայացրել այն պաշտոնյաների, զինվորականների եւ ոստիկանների դեմ, որոնց աշխատանքի անփութության պատճառով տեղի է ունեցել Դինքի սպանությունը։ Ներկայացված հայցում հիշատակվել է, որ մի շարք կառույցներ տեղյակ են եղել, որ ցանկանում են Դինքին սպանել, սակայն ոչինչ չեն ձեռնարկել սպանությունը կանխելու համար։ 

Նշենք, որ օրեր առաջ հրապարկվել է նաեւ Թուրքիայի խորհրդարանի մարդու իրավունքների պաշտպանության հանձնաժողովի կազմում 2008-ին ստեղծված Դինքի սպանության գործով ենթահանձնաժողովի իրականացրած աշխատանքի զեկույցը։

Իսկ Թուրքիայի պետական վերահսկողության վարչությունը  Դինքի սպանության գործի քննության մեջ կարեւոր խախտումներ եւ բացթողումներ է հայտնաբերել։