54-ամյա երեւանցի, նախկին ծանրորդ Բենիկ Իսրայելյանը սահմանել Է Գինեսի նոր ռեկորդ` աջ ձեռքի միջնամատով 22 սանտիմետր բարձրացնելով 121կգ ծանրություն ունեցող ծանրամարտի օղակներից եւ 8 րոպե 7 վայրկյան պահել այն օդում: Այս մասին «Արմենպրես»-ին տեղեկացրել է Գինեսի ռեկորդների գրքի լոնդոնյան կազմակերպության Հայաստանի պատասխանատու Վարդան Թովմասյանը: Նա նշել է, որ ելնելով Գինեսի ռեկորդների գրքի պահանջներից` Բ.Իսրայելյանը իր նոր ռեկորդը  սահմանել է տան պայմաններում` առավելագույնս մոտ բնական պայմաններին: Նա գերազանցել Է իր նախորդ ռեկորդը, երբ 20 սանտիմետր բարձրացրել Էր 116կգ ծանրությունը եւ պահել այն օդում 8 րոպե 7 վայրկյան: