ՀՀ Աշխատանքի և Սոցիալական հարցերի և Արտակարգ իրավիճակների նախարարությունների  միջև այսօր տեղի է ունեցել տեղեկատվության փոխանակության խնդիրներին նվիրված հանդիպում: Էլեկտրոնային կառավարման ոլորտում, մասնավորապես սոցիալական, տեղեկատվական տեխնոլոգիաների կիրառումը անհրաժեշտություն է դարձել նաև արտակարգ իրավիճակների համար: Սոցապնախարարության ենթակայության տակ գտնվող «Նորք» տեղեկատվավերլուծական կենտրոնը տիրապետում է տեղեկատվական մեծ շտեմարանի, որը պարունակում է ՀՀ տարածքում բնակվող յուրաքանչյուր քաղաքացու ամբողջական տեղեկատվություն, որն արտակարգ իրավիճակների պայմաններում մեծ նշանակություն է ստանում: 2011-ին «Նորք» տեղեկատվավերլուծական կենտրոնի կողմից ձևավորվել է տեղեկատվության փոխանակման համակարգ, պետական տեղեկատվական շուրջ 20 բազաների միջև, որով հնարավոր է մեկ հարցումով ստանալ մեծ ծավալի տեղեկատվություն: