Այրվող մեքենաներ, մոլոտովյան կոկտեյլներ, նավթ. ահա այսպես է բուրում Աթենքի ընդունած բյուջետային նոր օրինագիծը, որը, ըստ էության, Հունաստանին պարտադրեց եվրոպական մեծ ընտանիքը: Երեկ ցուցարարներն իրնեց բողոքը խիստ վայրի կերպով արտահայտեցին և փաստացիորեն ավերակների վերածեցին մայրաքաղաքը: Ցույց` ընդդեմ ցույցի. այսպես կարելի է անվանել երեկոյան հույների կազմակերպած լուռ մոմավառությունը, որով նրանք իրենց բողոքն են արտահայտել Աթենքը հրդեհի մատնածների նկատմամբ: Նրանք պահանջել են սիրել Եվրոպայի ամենապատմական մայրաքաղաքը և բողոքն արտահայտել ուրիշ կերպ: Մոմավառությունն անցել է Աթենքի պատմական կինոթատրոնի շենքի մոտ, որը Եվրոպայում ամենահինն է, կառուցվել է 1914-ին, և որը երեկ ամբողջովին կրակի մատնվեց: