Երևանի քաղաքապետ Տարոն Մարգարյանի հրավիրած խորհրդակցության ընթացքում ամփոփվել են վարչական շրջանների՝ 2012թ. հունվար ամսին կատարված գործառույթների գնահատման ու վերլուծության արդյունքներն ըստ ոլորտների: Գործառույթների իրականացման բոլոր ոլորտների ցուցանիշների հանրագումարի արդյունքում վարկանիշային առաջին 3 տեղերը, ըստ հերթականության, զբաղեցնում են Ավան, Դավթաշեն և Քանաքեռ-Զեյթուն վարչական շրջանները: Գնահատման վարկանիշային աղյուսակում ցածր ցուցանիշներ են արձանագրել Նուբարաշեն, Կենտրոն, Շենգավիթ վարչական շրջանները: Քաղաքապետը անդրադարձել է նաև համատիրությունների խոշորացման գործընթացին, որն ուղղված է բազմաբնակարան շենքերի կառավարման մարմինների կայացմանը և հանձնարարել է գործընթացն ավարտել սահմանված ժամկետում: