Իրանի իշխանությունները Ադրբեջանին մեղադրել են միջուկագետ գիտնական Մոստաֆա Ռոշանի սպանության գործում մասնակցության համար: Թեհրանում Ադրբեջանի դեսպանին կանչել են Իրանի ԱԳՆ, որտեղ նրան մեղադրել են իսրայելական հետախուզության հետ համագործակցության համար: Ըստ իրանական կողմի, հենց այդ կառույցն է պատասխանատու Մոստաֆա Ռոշանի սպանության համար: Հիշեցնեմ, որ վերջինը զոհվեց 2011թ-ի հունվարի 11-ին մի մոտոցիկլիստի կողմից իր ավտոմեքենային ամրացված ռումբի պայթյունից: Ռոշանի ահաբեկումը իրանցի միջուկագետների դեմ սանձազերծված բռնության 5-րդ դեպքն է: