Մեր երկրի ամենատարբեր ոլորտներում կանանց ներգրավվածությունը բավարար չէ, մինչդեռ կանայք ունեն ասելիք ու անելիք բոլոր ոլորտներում ու հատկապես սոցիալ-տնտեսականում: Հայաստանի երիտասարդ կանանց ասոցիացիան կանանց տնտեսական մրցակցությունը խթանելու նպատակով, ԱՄՆ դեսպանատան աջակցությամբ, իրականացնում է «Կանանց ձեռներեցության զարգացումը ՀՀ-ում» ծրագիրը: Փորձելու են գտնել սկսնակ ու արդեն կայացած կին ձեռներեցների, համատեղել նրանց փորձն ու ուժերը, կանանց դրական փոփոխություններ բերած գործունեությունն, ինչպես նաև դժվարությունները հաղթահարելու հաջողված օրինակները ներկայացնելով հասարակությանը: Ասոցիացիայի նախագահի հաղորդմամբ  այսօր գրանցված գործազուրկների 70 տոկոսը կանայք են. ուսումանսիրություններն էլ մարզերում ցույց են տվել, որ գրանցված փոքր և միջին ձեռներեցները կանայք են, բայց իրականում գործունեությունն իրկանացնում են տղամարդիկ: