Չինական Լինֆեն քաղաքում փրկարարները 40 մ խորությամբ ջրհորից դուրս են բերել մի կնոջ` իր որդու հետ: 50 տարեկան մայրը ջուր վերցնելիս առավոտյան ընկել էր ջրհորը, որին փրկելու համար ջրհորի մեջ թռած որդին նույնպես չէր կարողացել ազատվել: 16 փրկարար մեկ ժամվա ընթացքում հաջողացրել են ողջ և առողջ դուրս բերել մորը և որդուն: Նրանցից ոչ ոք լուրջ վնասվածք չէր ստացել, պարզապես, կինը կորցրել էր գիտակցությունը հիվանդանոցի ճանապարհին: Մի քանի ժամից նրա վիճակը կայունացել է: