Վաղուց արդեն աշխարհում պատերազմը միայն ռազմական գործողություններ չի նշանակում և մեր երկիրը շարունակում է ենթարկվել այդպիսի պատերազմի  տնտեսական և տեղեկատվական դրսևորումներին: Տեղեկատվական ճակատում կրավորական և միայն պաշտպանվողի դերում չլինելու համար, երկրի նախագահի աշխատակազմի Հանրային կապերի և տեղեկատվության կենտրոնի նախաձեռնությամբ, հերթական աշխատությունն է լույս ընծայվել: Խոսքը` պատմաբան, լրագրող Արիս Ղազինյանի հեղինակած «Պոլիգոն Ադրբեջան» ռուսերեն գրքի մասին  է, որտեղ փորձ է արվում լույս սփռել ադրբեջանական պատմական- քաղաքական մշտական խեղումների վրա, ինչով Բաքուն առ այսօր հընթացս պատմություն է կերտում իր համար: