Հունահռոմեական ոճի ըմբիշ Արմեն Նազարյանը մեծ սպորտ վերադառնալու և  2012 թվականին Մեծ Բրիտանիայի մայրաքաղաք Լոնդոնում կայանալիք Օլիմպիական խաղերին մասնակցելու ցանկություն է հայտնել: Նազարյանը 1996 թվականին` Ատլանտայում (ԱՄՆ), դարձել է Օլիմպիական չեմպիոն: Նա հաղթող է ճանաչվել նաև Սիդնեյի Օլիմպիական խաղերում` դառնալով կրկնակի չեմպիոն, սակայն ոչ Հայաստանի դրոշի ներքո: 2008 թվականին Պեկինում կայացած Օլիմպիական խաղերում Նազարյանը հանդես է եկել 60 կգ քաշային կարգում, սակայն մեդալ չի նվաճել: 37-ամյա ըմբիշը կարող Է հանդես գալ 66 կգ քաշային կարգում: